Maharashtra Weather Update: विदर्भासह कोकण आणि या विभागांमध्ये मुसळधारेचा इशारा! IMD आजचे हवामान व उद्याचा हवामान अंदाज पुणे वेध शाळेने दिलेल्या माहितीनुसार, आज म्हणजेच 7 जुलैपासून पुढील पाच दिवस कोकण आणि विदर्भात तर मध्य महाराष्ट्रात बऱ्याच ठिकाणी पावसाची शक्यता आहे. तर मराठवाड्यात येत्या 4 दिवसात काही बऱ्याच ठिकाणी मुसळधारा पावसाची शक्यता आहे.
Maharashtra Rain Prediction: गेल्या दोन दिवसांपासून राज्यातील काही भागात पावसाचा जोर वाढला आहे. पावसाचा हा जोर अजून वाढण्याची शक्यता आहे. राज्यात कोकण आणि विदर्भात पुढील पाच दिवस मुसळधार पाऊस (heavy rain in maharashtra) होण्याची शक्यता आहे.
भारतीय हवमान विभागाच्या (imd) अंदाजानुसार, या भागात पावसाचा जोर वाढणार असून काही ठिकाणी यलो तर काही ठिकाणी ऑरेंज अलर्ट देण्यात आला आहे. हवामान विभागाच्या या अंदाजामुळे नागरिकांना मोठा दिलासा मिळला आहे. करण मान्सून सुरु होऊन माहिना उलटला तरी अद्यापही पाहिजे तसा समाधानकारक पाऊस झालेला नाही.
पुणे वेध शाळेने दिलेल्या माहितीनुसार, आज म्हणजेच 7 जुलैपासून पुढील पाच दिवस कोकण आणि विदर्भात तर मध्य महाराष्ट्रात बऱ्याच ठिकाणी पावसाची शक्यता आहे. तर मराठवाड्यात येत्या 4 दिवसात काही बऱ्याच ठिकाणी मुसळधारा पावसाची शक्यता आहे.
या भागात पावसाचा अॅरेंज अलर्ट
हवामान विभागाच्या अंदाजानुसार, आज ठाणे, रायगड, रत्नागिरी, नाशिक, पुणे व सातारा जिल्ह्याच्या घाट विभागात मुसळदार ते अति मुसळधार पावसाची शक्यता आहे. त्यामुळे या जिल्ह्यांना ऑरेंज अलर्ट देण्यात आला आहे. तर रायगड, रत्नागिरी, सिंधुदुर्ग जिल्ह्याला पुढील 5 दिवस पावसाचा यलो अलर्ट देण्यात आला आहे.
तर मराठवाड्यातील छत्रपती संभाजीनगर, जालना, उस्मानाबाद, नांदेड जिल्ह्यात पुढचे 2 दिवस पावसाचा यलो अलर्ट, यासह येत्या 10 जुलैपर्यंत विदर्भातील सर्व जिल्ह्यांना यलो अलर्ट देण्यात आला आहे. या दरम्यान येथे मेघगर्जना विजांच्या कडकडाटासह पावसाची दाट शक्यता आहे. विदर्भात 8 ते 10 जुलै दरम्यान काही जिल्ह्यात मुसळधार पावसाची शक्यता आहे.
तर कोकणातील आणि मध्य महाराष्ट्रातील बऱ्याच जिल्ह्यात तुरळक ठिकाणी आजपासून पुढील 5 दिवस मुसळधार पाऊस पडण्याची दाट शक्यता आहे. त्याचप्रमाणे मराठवाड्यातील काही जिल्ह्यात मेघगर्जना विजांच्या कडकडाटासह ताशी 30 ते 40 किलोमीटर वेगाच्या वादळी वाऱ्यास हलका ते मध्यम स्वरूपाच्या पावसाची शक्यता आहे.
असं असेल पुण्याचं हवामान
हवमान विभागाच्या अंदाजानुसार, पुणे आणि परिसरात पुढचे 3 दिवस आकाश ढगाळ राहील आणि हलका ते मध्यम पावसाची शक्यता आहे. यासह घाट परिसरात काही ठिकाणी मुसळधार ते अतिवृष्टीची शक्यता आहे. त्यामुळे घाट विभागाला ऑरेंज अलर्ट जारी करण्यात आला आहे. यानंतर पुढील दोन दिवस आकाश ढगाळ राहील.
